Ang Nakaraan...

Mula sa madilim na bahagi ng silid tumayo ang dalawang babae at lumuhod sa harap ni Dr. John D. Paul.

"Dalhin nyo sa akin si Master JackCold at Master MT," wika ng nababaliw ng syentipiko.

"Masusunod po Master Lee Bug", magkasabay na sabi ni Min-Min at Rodylina.

Sa isang iglap nawala silang dalawa.

---

Bumalik na ng Pilipinas si Captain BD para i-rescue ang dalawang kaibigan na nasa ilalim na ng kapangyarihan ni Dr. John D. Paul. Hindi niya alam kung paano niya hahanapin ang mga kaibigan. Wala siyang ideya kung nasaan sila ngayon, kung may kinakain pa ba sila, kung nakakaligo pa ba sila, kung dalawa pa ba ang kidney nila, o kung ayos lang ba sila. Iniisip niya pa lamang na hindi nakakaligo ang dalawa ay naiiyak na siya.

Sa wakas ay nakarating na siya sa Pacific Ocean at tanaw na niya ang Pacific Ring of Fire na nangangahulugang malapit na siya sa Pilipinas. Makalipas ang ilang minuto ay langhap-sarap na niya ang polusyon sa hangin kaya batid niyang nasa bansa na nga siya.

Nang makalapag nang maayos si Capt. BD ay ikinumpas niya nang pasadya ang kumot na ginawang kapa para cool ang pag-landing niya at superhero talaga ang dating.

Naglakad siya sa runway ng airport dahil doon siya nag-landing. Kinuha niya ang kanyang cellphone na Nokia 3310 para sana subukang tawagan ang mga kaibigan. Pero bago niya nagawa iyon ay bigla na lamang itong nag-ring.

“Hello, Min-Min?” masayang bati ni Captain BD nang malaman na ang kaibigan ang tumawag sa kanya.

“Rafael, tulungan mo kami…”

“Nasaan kayo ngayon? Si Rodylina, kasama mo rin ba siya?” pag-aalalang tanong niya.

“Nandito kami sa dati nating tagpuan. Kung saan ang mga alaala ay kay tamis balikan. Na atin nang napabayaan at nakalimutan. Pumarito ka’t muli nating sariwain ang nakaraan.”

Ilang segundo na hindi nakapagsalita si Captain BD. Pero nang bumalik siya sa huwisyo ay agad siyang sumagot kay Min-Min.

“Hintayin mo ako at ika’y aking pupuntahan. Tumingin lamang sa itaas at ako’y makikita mong lumilipad sa kalangitan.”

Pagkatapos nilang mag-charotan ay muling lumipad si Captain BD papunta sa kanilang dating tagpuan.

Ramdam ni Captain BD ang hindi gaanong sariwang hangin habang lumilipad. Tanaw na niya ang bakanteng lote kung saan sila dating nagtatago-taguan (ng feelings) ng kaibigang si Min-Min. Magla-landing na sana siya nang bigla niyang naramdaman ang batong tumama sa kanya. Tinirador pala siya ng lalaking kasama ni Min-Min at Rodylina.

Ilang bato pa ang tumama sa kanya kaya nawalan siya ng balanse at pati ang built-in propeller niya’y nasira dahil natamaan din ng bato. Gayon na lamang ang pagbagsak niya sa lupa at napakasakit nga naman dahil walang sumalo.

“Dr. John D. Paul slash Master Lee Bug? P-paanong…” nagitla si Captain BD nang makita ang doctor. Pero mas ikinagulat niya nang hindi na lubos makilala ang mga kaibigan dahil nga hybrid na ang DNA ng mga ito dahil ginawa na siyang EXKO ng doctor.

“Alam kong alam mo kung saan nagtatago sina Master JackCold at Master MT. Kailangan mong ituro ang pinagtataguan nila dahil nasa kanila ang huling ingredient sa paggawa ng makapangyarihang EXKO. Kaya kung ako sa iyo’y sabihin mo na ang nalalaman mo kung gusto mo pang mabuhay itong mga kaibigan mo!” halakhak na sambit ng kontrabidang doctor.

“Dadaaan ka muna sa aking maskuladong katawan bago mo malaman na nasa Batangas si Master JackCold at nasa Malaysia si Master MT!”

“Kung ganoon, wig at pustiso mo lang ang walang latay!” nanlilisik na sigaw ni Dr. John D. Paul. “Butterfree, energy ball attack!”

Nang marinig ang utos ng kaniyang pokemonster trainer ay biglang pumula ang mata ni Rodylina at lumipad sa harap ni Captain BD. Tila nawala na nga ito sa sarili at hindi na niya kilala ang kaibigan. Inatake niya sa BD at ginamitan ng energy ball attack ayon na nga sa utos ng kanyang trainer.

“Freeeeee!” ani Rodylina na naging Butterfree.

Panay ilag lang ginawa ni BD dahil hindi niya kayang labanan ang kaibigan. Ang ginawa niya’y pinagbabato niya lang ito at baka sakaling mapasunod niya ito.
“Bumalik ka na sa loob ng pu-este-pokeball! Gotta catch ‘em all, pokemon!”

Pero mas lalo lang itong naging wild. Panay ang pag-atake nito sa kanya pero hindi niya talaga kayang lumaban sa kaibigan. Muntik na siyang matamaan ng Energy Ball na ibinato nito pero bigla na lamang may tumulak sa kanya.

“Kayo?” sabay na sambit ni Captain BD at Dr. John D. Paul nang makita kung sino ang dumating sa eksena.

“Humanda na sa kaguluhan!” ani Valerie.

“At doblehin n’yo pa!” Singit naman ni Tippy.

At naglitanya silang dalawa at umagaw na naman sa eksena para lalong guluhin ang nagkabuhol-buhol na istorya.

Itutuloy...

Narito po ang mga naunang bahagi ng TagalogSerye ng Ikalawang Pangkat:

Unang Bahagi
Ikalawang Bahagi

---

Narito ang prompt ng TagalogSerye para sa linggong ito:

Mga Karakter

Hero: The Saviour: Karakter na handang magsakripisyo para sa iba Villain:

The Dark Lord: makapangyarihan na kalaban na ang kadalasang layon ay sakupin ang mundo

Mga Elemento sa Kwento (Maaring Gamitin bilang Literal o Metepora)

Rescue

Transformation

Slavery

Tema ng ika- Anim na Serye

Sci-Fi

---

pinagkunan ng larawan:1, 2, 3, 4

Tropa ni TotoMaging bahagi sa pagpapalaganap ng wikang Filipino. Ikaw ba ay manunulat ng tula o maikling kuwento? O kaya ay nais malinang ang talento sa pagsusulat? Sumali sa mga patimpalak. I-follow ang @tagalogtrail para sa mga akdang Filipino at sumali rin sa aming talakayan sa discord: