Psalmus IV — Hive

In Festo Sanctissimi Corpus Christi. Matutinum. Nocturno I, 2 (Nocturnale Romanum, 2002)

1. In fīnem, in carmínibus. Psalmus Dāvīd.

2. Cum invocārem exaudīvit mē Deus jūstítiæ meæ:*
in trībulātiōne dīlātastī mihi.

Miserēre meī,*
et exáudī ōrātiōnem meam.

3. Fī́liī hóminum úsquequo gravī corde?*
ut quid dīlígitis vānitātem, et quǽritis mendā́cium?

4. Et scītōte quóniam mīrificāvit Dóminus sānctum suum: *
Dóminus exáudiet mē cum clamávero ad eum.

5. Īrāscíminī, et nōlīte peccāre: †
quæ dī́citis in córdibus vestris *
in cubī́libus vestris compungíminī.

6. Sacrificāte sacrifícium jūstítiæ, †
et spērāte in Dóminō;*
Multī dīcunt: Quis osténdit nōbīs bona?

7. Signātum est super nōs lūmen vultūs tuī Dómine:*
dedistī lætítiam in corde meō.

8. Ā fructū frūmentī, vīnī, et óleī suī *
multiplicātī sunt.

9. In pāce in idípsum*
dórmiam, et requiēscam;

10. Quóniam tū Dómine singuláriter in spē *
cōnstituistī mē.

Should you happen to notice a mistake, kindly let me know.

Note: Latin words are to be stressed on the second-to-last syllable. Therefore, no acute diacritic sign is provided for these words. Acute diacritic sings are only provided for third- and forth-to-last stressed syllables.

Si llegaren a observar algún error, háganmelo saber por favor.

Nota: Las palabras en latín tienen sílaba tónica grave, por lo que no se incluyen tildes para estas palabras. Se incluyen tildes sólo para sílabas tónicas esdrújulas y sobresdrújulas.