Ang aking Repleksyon sa Topic na: Aral para sa Mag-asawa Part 3 (Kailangan Tapat sa Isa't isa ) 😇🙏🙌

Nandito na po tayo sa ikatlong bahagi ng ating pag-aaral mula sa salita ng Dios na makikita natin sa Youtube ng MCGI Cares Community. Sa totoo lang ay malaki talaga ang aking pasasalamat sa Dios dahil mag mula noong nasimulan kong makita ang mga video na nagtuturo mula sa mga aral ng Dios ay marami talaga akong natutunan na maari kong magamit sa aking pamumuhay sa mundong ito.

Ngayong araw na ito ay ibabahagi ko ang ikatlong bahagi ng topic na para sa mag-asawa na may pamagat na, Aral Para sa Mag-asawa Part.

Sinimulan natin sa ikalawang bahagi ng topic na ito na ang mag-asawa ay iisang tao na, ibig sabihin ay pinag isa na sila ng Dios at wala nang kahit na sino pa man ang makakapaghiwalay sa kanila. Ang Babae ay nakatali na sa kautosan ng Lalake habang ito ay nabubuhay kung kaya hindi na sila ay meron ng mga limitasyon sa kanilang mga ginawa. Ngayon, ipagpatuloy natin sa ikatlong bahagi ang tungkol sa magsawa.

Dahil nga sa pinagsama na ng Dios ang Babae at Lalake bilang mag-asawa, kung merong pagkakataon na ang babae o lalake ay nangibang bahay habang nabubuhay ang kanilang asawa ay ang sabi ng Salita ng Dios, sila ay mangangalunya o nakikiapid sa iba habang sila ay may asawa, isang malaking kasalanan yan sa Dios,.dahil sabi nga sa Salita ng Dios na walang kahit ano o sino ang makakapag hiwalay sa pinag isa ng Dios.

Ayon pa sa sinabi ni Bro. Eli Soriana na, "Kailangang tapat sila sa Isa't isa.", kailangang walang third party o kahit ba ano mang lihim sa bawat isa, dahil ayon nga sa Mateo 19:6 na ang isa ay pinag-isa kung kaya dapat lang na walang ano mang makapag hilaway sa mag-asawa kaya kailangang tapat sila sa bawat isa, dahil pangangalunya ay isang kasalanan sa Dios.

Ipinaliwag naman sa bersekulong ito kung ano ang kahahantungan ng isang makikiapid at mangangalunya, ang kahahantungan ay hahatulan sila ng Dios. Ay ayon nga sa mga aral ng Dios, isang kasalanan ang mga ito, at taliwas sa mga utos ng Dios kung kaya isang malaking paalala sa mga mag-asawa o mag aasawa pa lang na ang pakikiapid at pangangalunya ay malaking kasalanan sa Dios kaya dapat maging tapat sila sa bawat isa, ipinag babawal yan sa Bibliya, sa Salita ng Dios.

Habang patuloy ko ngang pinanuod ang video, marami akong na realize dahil nga sa nasa punto ako ngayon ng pag-aasawa, ang ganitong mga estado ng buhay ay hindi madali dahil isang mahirap na desisyon ang pag-aasawa. Kailangang tiyakin sa sarili na mahal muna talaga ang makakasama mo sa habang buhay dahil siya na ang makakasama mo sa habang buhay at pinag isa na ng Dios, pinag isang laman. Kailangang tiyakin na handa na ang bawat isa sa mga hamon ng buhay mag asawa, dahil aasahang marami ang susuonging problema, kaya kailangan din na kaya ng mabuhay ang pamilya lalong lalo na ang parating na anak.

Marami talaga akong natutunan dito at excited na akong matutunan ang mga susunod na bahagi nitong topic na ito. Hanggang dito na lang po ako, at salamat sa mga aral ng Dios na naka tulong sa akin, aasahan ninyong ibahagi ko rin ang huling bahagi ng topic na ito, ang Part 4.

To God be all the Glory! 😇🙌☝️

Your Friend
@godlovermel25

Thanks to @kennyroy for
the animated GIF.