အချိန်​တွေထဲက ရ​အောင်ယူ - ၂

ကျွန်မ အ​နေနဲ့ အကြံ​ပေးတိုက်တွန်းလိုတာက အချိန်​တွေကို ဒီအတိုင်း မကုန်ဆုံး​စေပါနဲ့။ အချိန်​တွေဟာ စိန်တုံး​တွေလိုပဲ တန်ဖိုးရှိပါတယ်။ မိမိအတွက် အကျိုးရှိတဲ့ အရာ​တွေပြန်ရမှသာ အချိန်​တွေကိုရင်းရကျိုးနပ်ပါလိန့်မယ်။

Image Source

​ကျွန်မ ​ဆွေး​နွေးချင်တဲ့ ​နောက်တစ်ခုက​တော့ အချိန်​တွေနဲ့ ဆက်စပ်​နေတဲ့ အိုမင်းရင့်​ရော်ခြင်းအ​ကြောင်းဖြစ်ပါတယ်။ အမိဝမ်းက ကျွတ်လွတ်ချိန်ကစပြီး ကျွန်မတို့ဟာ အရွယ် သုံးမျိုးကို လူတိုင်း ဖြတ်သန်းကြရပါတယ်။ အရွယ် သုံးမျိုးမှာ သူ့အရွယ်နဲ့သူ ရှာ​ဖွေအပ် ဆည်းပူးအပ်တဲ့ အတတ်ပညာ​တွေရှိပါတယ်။ ပထမအရွယ်ဟာ ပညာဆည်းပူး​လေ့လာ သင်ယူချိန်ပါ။ ဒုတိယအရွယ်က​တော့ ရရှိလာတဲ့ အသိပညာ အတတ်ပညာ​တွေကို လက်​တွေ့အသုံးချပြီး ​ပစ္စည်းဥစ္စာ​တွေကို ရှာ​ဖွေစု​ဆောင်းရမည့် အရွယ်ဖြစ်ပါတယ်။ တတိယအရွယ်က​တော့ တရားဘာဝနာပွားများ အားထုတ်ရမည့် အရွယ်ဖြစ်ပါတယ်။

ဆိုခဲ့တဲ့ အတိုင်း အရွယ်အလိုက် အသက်အပိုင်းအခြားအလိုက် ရှာ​ဖွေစု​ဆောင်းပြီး အသုံးချမယ်ဆိုရင် ဘဝရဲ့ ​နေဝင်ချိန်မှာ သက်​​တောင့်သက်သာဖြတ်သန်းနိုင်ပါလိမ့်မယ်။ အသက်အရွယ်အလိုက် ရှာ​ဖွေထားတာလည်း မရှိဘူး အသက်​မွေးဝမ်း​​ကျောင်း ပညာရပ်​တွေလည်း မတက်​မြောက်ဘူးဆိုရင် အိုမင်းရင့်​ရော်တဲ့ အရွယ်​ရောက်တဲ့အခါ ​လောကဓံက ပိုမိုရက်စက်ပြပါလိမ့်မယ်။ နိဂုံးအ​နေနဲ့ အကြံ​ပေးချင်တာက​တော့ ရရှိလာတဲ့ အချိန်​တွေကို ဖြုန်းမပစ်ဘဲ ဘဝ​နေဝင်ချိန်အတွက် ကြိုတင်ပြင်ဆင်ထားသင့်ပါ​ကြောင်း ​ရေးသားလိုက်ရပါတယ်။