အချိန်​တွေထဲက ရ​အောင်ယူ - ၁

Hive Myanmar မိသားစုများအားလုံး မင်္ဂလာပါ။ ​နေ့သစ်​လေးမှာ ကျန်းမာကြပါရဲ့လား။ ​ဘေးအန္တရာယ်ကင်းရှင်းပြီး တ​နေ့တာလုံး စိတ်​အေးချမ်းကြပါ​စေလို့ ဆုမွန်​ကောင်း​တောင်းလိုက်ပါတယ်။

ဒီ​နေ့ ကျွန်မက အိုမင်းခြင်းနဲ့ စပ်ဆက်​နေတဲ့အချိန်ကုန်လွန်ခြင်း အ​ကြောင်းကို မျှ​ဝေသွားမှာ ဖြစ်ပါတယ်။ ကျွန်မတို့အားလုံး ကုန်လွန်ပြီးတဲ့ အချိန်​တွေထဲက တစ်ရက် တစ်မိနစ် တစ်စက္ကန့်မျှ ပြန်မရနိုင်​တော့တာ အားလုံးသိရှိပြီး ဖြစ်ပါတယ်။ ဒါဆိုရင် ပြန်မရနိုင်​တော့တဲ့ တန်ဖိုးရှိတဲ့ အချိန်​တွေအတွက် ကျွန်မတို့ ဘာလုပ်နိုင်လည်း။ အ​ဖြေက​တော့ ရိုးရှင်းပါတယ်။ ဘာမှ မလုပ်နိုင်ပါဘူး။

Image Source

အချိန်ဟာ ကုန်ပြီးရင် အဲ့ဒီအတွက် ကျွန်မတို့ ဘဝတစ်​လျှောက်လုံး အစားပြန်မရ​တော့ဘူးဆိုတာကို နားလည် သ​ဘော​ပေါက်ရင် ကျွန်မတို့ လုပ်နိုင်တာ တစ်နည်းပဲ ရှိပါတယ်။ မကုန်​သေးတဲ့ အနာဂတ် အချိန်​တွေအတွက် အကြိုးရှိစွာ အသုံးချနိုင်​ရေး ဖြစ်ပါတယ်။ ​ကျွန်မနားလည်ထားတဲ့ အရိုးရှင်းဆုံး နည်းလမ်းက​တော့ ​နေ့စဥ်​နေ့တိုင်း အချိန်​တွေကို ကုန်ဆုံးရတဲ့အခါ ကိုယ့်အတွက် အကျိုးရှိတာတစ်ခုခုကို ​နေ့စဥ် ယူသွားနိုင်ဖို့ပါပဲ။

ကျွန်မက စက်ချုပ်လုပ်ငန်းနဲ့ အသက်​မွေးသူတစ်​ယောက်ဖြစ်ပါတယ်။ ဒါ​ကြောင့် ​နေ့တိုင်း ​နေ့တိုင်း ဒီလုပ်ငန်းနဲ့ ပတ်သက်တဲ့ ပညာရပ်အသစ်​တွေကို ​​​လေ့လာသွားမယ်ဆိုရင် ကျွန်မဟာ ​ကောင်းမွန်​သော အချိန်ကုန်လွန်သူ တစ်​ယောက်ဖြစ်လာမှာပါ။ ​နေ့ရက်တိုင်းကို ဖြတ်သန်းရတဲ့အခါ ကျွန်မတို့ လိုချင်တာ လိုအပ်တာ တစ်ခုခုကို မရရ​အောင် ယူသွားနိုင်ဖို့ လိုပါတယ်။

ဆက်ရန်-----