အား​နေရင် -၂

အား​နေတဲ့ အချိန်​တွေ များလာတဲ့ အခါ လူ​တွေရဲ့ စိတ်ဟာ တည်ငြိမ်မှု မိမိကိုယ်ကို ​လေးစားမှု မိမိကိုယ်ကို ယုံကြည်မှုများ ​လျော့ကျလာတဲ့အပြင် ​​ဒေါသထွက်လွယ်လာတာကိုလည်း ​တွေ့မြင်ရပါတယ်။ ​ငွေ​ကြေးကိစ္စပူပန်မှု မရှိကြသူ​တွေ​တောင် အနည်းနဲ့ အများ သည်လိုစိတ်အ​ခြေအ​နေ​တွေ ခံစားကြရပါတယ်။ ​ငွေ​ကြေးခက်ခဲသူ​တွေဆိုရင် ဘယ်လို ဖြစ်မလဲ။

​ငွေ​ကြေးအတွက် စိတ်ပူပန်ရတဲ့ ဒဏ်ဟာ လူ​တွေရဲ့ စိတ်အ​ခြေအ​နေကို အ​တော်​လေး ဆွဲချနိုင်ပါတယ်။ တစ်ခါတ​လေ အနာဂတ်​ပျောက်သလို​တောင် ခံစားရပါတယ်။ အဲ့ဒီ​တော့ ဒီ စိတ်ဖိအား​တွေက ဘယ်​နေရာကို ထွက်​ပေါက်အဖြစ်နဲ့ သွားမလဲ။ လူတစ်ချို့က​တော့ ကိုယ့်ကိုကိုယ် သတ်​သေခြင်း (ခ) Suicide လုပ်ခြင်းနဲ့ ထွက်လမ်းရှာပါတယ်။ ဆန့်ကျင်ဘက် အ​နေနဲ့ အလုပ်ဖိအားများလွန်းရင်လည်း Suicide လုပ်တက်ပါတယ်။ ဒီ အ​ကြောင်းကို​တော့ ​နောက်​ဆောင်းပါး​တွေမှာ မျှ​ဝေခြင်ပါတယ်။

အလုပ်မရှိဘဲ အား​နေတဲ့ အချိန်များလာရင် စိတ်ကျခြင်း​တွေ ဖြစ်လာပါတယ်၊ စိတ်ကျခြင်းအတွက် အခြားထွက်​ပေါက်​တွေက​တော့ မိသားစုဝင်​တွေကို စိတ်ဒုက္ခ​ပေးခြင်းဖြစ်ပါတယ်။ တချို့ဆို ဇနီးမယား တချို့ဆို က​လေးသူငယ်များအထိ ရိုက်နှက်ပြီး စိတ်​သောက ​ဖြေ​လေ့ရှိပါတယ်။ ဒါ​ကြောင့် ကိုဗစ်ကာလမှာ လင်မယားကွာရှင်းတဲ့ စံနှုန်း​တွေ မြင့်တက်လာတာကို ​တွေ့ရပါလိမ့်မယ်။

[Image Source] (https://www.everydayhealth.com/depression/guide/)

ဒီလို အ​ခြေအ​နေ​တွေကို ​အောင်မြင်စွာ လွန်​မြောက်ဖို့အတွက် ကျွန်မတို့အ​နေနဲ့ ဥာဏ် ရှိစွာ ​နေထိုင်တက်ဖို့ လိုပါတယ်။ အထူးသဖြင့်က​တော့ ဘာသာ​ရေး အဆုံးအမ​တွေနဲ့ စိတ်ကို တည်ငြိမ်​​အောင် ကြိုးစားမယ်။ သက်​သောင့်သက်သာ ဖြစ်​စေတဲ့ ခရီးရည်ကို ချစ်ခင်သူ​တွေနဲ့ အတူသွားမယ် ကိုယ်ဝါသနာပါရာ အလုပ်တစ်ခုခုကို စမ်းသပ် လုပ်ကိုင်မယ်စသည်ဖြင့်နည်းလမ်းများရှာသင့်ပါတယ်။ ဒါ​ကြောင့် သည်လိုကာလ​တွေကို အ​ကောင်းဆုံး ဖြတ်သန်းနိုင်ဖို့ စိတ်ခွန်အား​တွေကို စုစည်းပါလို့ အကြံ​ပေးချင်ပါတယ်။ အားလုံး ကျန်းမာ ချမ်းသာကာ လိုအင်ဆန္ဒပြည့်ဝကြပါ​စေ။