ရောက်တတ်ရာရာ ဘာညာကွိကွ ( Henry Aung )

မင်္ဂလာပါ။ ယမန်နေ့က post တခုတော့ ရအောင်တင်မည်ဟု မည်မျှကြိုးစားသော်လည်း ခေါင်းထဲတွင်ဟာလာဟင်းလင်း ဖြစ်နေခဲ့သော ကြောင့် မည်သည့် Post မျှ မတင်ခဲ့ပါ။ တခါတလေ ရေးစရာ အကြောင်း ပျောက်သွားတတ်သလို စာရေးမည်ဆိုကာမှ အခြား အကြောင်း တခုခု ပေါ်လာသော ကြောင့် အာရုံ ပြောင်းသွား ခြင်း မျိုးလည် ဖြစ်တတ်ပါသည်။

သင်္ကြန် ပြီးသွားပြီ ဆိုတော့ လျပ်စစ်မီးကလည်း ယခင်အတိုင်း မလာတရက် ပျက်တရက် ဖြစ်သွားပြန် ပြီ ဖြစ်ပါသည်။ ယနေ့ နံနက် ကျွန်တော် စိုက်ထားသော ပန်းပင်များ အတွက် ပိုးသတ်ဆေး ဝယ်ရန် Time City ဘေးတွင် ရှိသော ပန်းဥယျာဉ် သို့ ဆိုက်ကားစီး၍ သွားခဲ့ပါသည်။

လမ်းတွင် မြင်နေရသည်က ဆီတန်းစီ နေသော ကား များမှာ တမျှော်တခေါ် ။ လမ်းတွင် နှစ်ထပ် သုံး ထပ်ပိတ်ရပ်ထားကြသည့် အပြင် ပြန်ကွေ့သည့်ကား နှင့် ကြားဖြတ်ဝင်သည့် ကားတို့ ခေါင်းချင်ဆိုင်ကာ ကားလမ်းပိတ်သွားပါတော့သည်။

တနေ့လုံးလည် ဖွဘုတ်ပေါ်တက်လာသည့် သတင်းများက ဆီတန်းစီရသည့် အကြောင်း များသာ။ ဆီဈေး ကပြန်တက်လာပြီ ဆိုတော့ ကုန်ဈေးနှုန်း တွေကလည်း ပြန်တက်လာတော့မည်။ အလုပ်အကိုင်ကမကောင်း ၊ ကုန်ဈေးနှုန်းတက် ၊ ပို၍ ကျပ်တည်းလာ စသည်ဖြင့် ဂျာအေးသူ့အမေရိုက်လိုက် မုန့်လုံးစက္ကူကပ်လိုက်ဖြင့် ဘယ်အချိန်ထိ စခန်းသွားနေရအုံးမည် မသိသေးပါ။

ယခုတလော ရုရှား ယူကရိန် စစ်ပွဲ ထက်ပို၍ စိတ်ဝင်စား စရာကောင်းသော သတင်း တပုဒ် ဖတ်မိလိုက်ပါသည်။ သိရိလင်္ကာ နိုင်ငံ၏ ကြွေးမြီ ပြသနာ ဖြစ်ပါသည်။ သီရိလင်္ကာ နိုင်ငံအနေဖြင့် ယခင်ကလည်း တရုတ်ကြွေးအတိုးမပေးနိုင်သည့် အပြင် အရင်းလည်း ပြန်မဆပ် နိုင်သော ကြောင့် သင်္ဘောဆိပ်ကမ်း တခုလုံးအား တရုတ်လက်သို့ ၉၉ နှစ် ပေးလိုက်ရပါတော့သည်။

ပြောရမည်ဆိုလျင် တရုတ်တို့ သိရိလင်္ကာ ဆိပ်ကမ်း တခုအား နှစ် ၁၀၀ လုပ်စားခွင့်ရတော့မည် ဖြစ်ပါသည်။ ဆိပ်ကမ်းအား တရုတ်ပိုင်ပြီဆိုတော့ တရုတ်အလုပ်သမားများ ရောက်လာကြတော့မည် အခြေချ ကြတော့မည်။ တရုတ်၏ ကြွေမြီးချ သိမ်းပိုက်နည်းမှာ ယခင် အင်္ဂလိပ် လက်ထက်က ချစ်တီးတို့ မြန်မာလယ်သမားများအား အတိုးပေး ငွေချေးသည့် ပုံစံပင် ဖြစ်ပါသည်။

နောက်ဆုံးတွင် ရှိသမျှ လယ်ယာ များအားလုံး သာမက အိုးအိမ်များ သားပျို သမီးပျို များပါ ချစ်တီးတို့ လက်ထဲ ထိုးအပ်လိုက်ရသော အကြွေးပေးနည်းမျိုး ဖြစ်ပါသည်။ အာဖရိက တိုင်းပြည်များလည်း တရုတ်အကြွေးနှင့် မကင်းသလို ပါကစ္စတန် လည်း တရုတ်အကြွေးနှင့် မကင်းပါ။

ရေးစရာ ရှိ ၍သာ ရေးနေရပါသည်။ ကိုယ်တို့ တိုင်းပြည်လည်း တရုတ် ကြွေးမြီး ထောင်ချောက် အတွင်းသို့ ကျရောက်ခဲ့ဘူးပါသည်။ ဒေါ်အောင်ဆန်းစုကြည်မှ တရုတ်နှင့် ချုပ်ဆိုထားသော စာချုပ်များအား ပြန်ပြင် ချုပ်ဆိုထား၍သာ မိမိတို့ ခံသာနေခြင်း ဖြစ်ပါသည်။

အမှန်တော့ နိုင်ငံရေးအရသာ စာချုပ်ဘာညာ ဖြင့် ရေးပြနေရခြင်း ဖြစ်ပါသည်။ မြစ်ကြီးနား တမြို့လုံး နှင့် မန္တလေး မြို့ကြီးများ တရုတ်တို့ လက်အောက် ရောက်နေခဲ့သည်မှာ ဆယ်စုနှစ် ၂ စုခန့် ရှိနေပြီ ဖြစ်ပါသည်။ တရုတ်ဘက်မှ ကုန်သွယ်ရေး တံခါးပိတ်လိုက်လျင် မြန်မာ ဖရဲသီးတို့ လမ်းဘေး လွှင့်ပစ်ရ / ခရမ်းသီးတို့ ချောင်းမြောင်းထဲ လွှင့်ပစ်ရ ဖြင့် ။

စိတ်ပျက်စရာများ ရေးသားနေသည်မှာ တော်လောက်ပြီ ထင်ပါသည်။ Hive အကြောင်းသာ ဆက်ပြောကြပါစို့။ ယမန်နေ့က $ 0.80 အထိ ကျသွားသော Hive သည် ယနေ့တွင့် $0.90 ကျော် အထိ ပြန်တက်လာပြီ ဖြစ်ပါသည်။ Hive အနေဖြင့် USD $0.90 ခန့်တွင် ဈေးကစားနေသော်လည်း စုစုပေါင်း ဝယ်ရောင်း အင်အားမှာ အားရစရာတော့ မရှိသေးပါ။

ယခင်က တရက် ဒေါ်လာ သန်း ၄၀ / ၅၀ စသည်ဖြင့် ဝယ်ရောင်းနေကြရာတွင် ယခုတော့ ဒေါ်လာ ၁၀ သန်းပင် မပြည့်ချင်ပါ။ ဤသည်မှာ ဈေးကွက်တွင် Hive အား စိတ်ဝင်စားမှု ကျဆင်းလာသည့် သဘောပင် ဖြစ်ပါသည်။ မည်သို့ပင် ဆိုစေ ကျွန်တော် ယခင်က ဖေါ်ပြပေးခဲ့ပြီး ဖြစ်သည့် အတိုင်း ဈေးကွက် သည် အကျပိုင်း ရှိမည် အတက်ပိုင်းရှိမည်။

အရေးကြီးသည်က ထို cryptocurrency project ရှင်သန် နေရန်ဖြစ်ပါသည်။ Hive Platform အနေဖြင့် လက်ရှိ အချိန်တွင် ပြီးပြည့်စုံ ပြီဟု မဆိုနိုင်သေးပါ။ ၂ နှစ်သား ကျော်လာပြီ ဖြစ်သော ဤ Hive Platform သည် USD $0.90 ဟူသော ဈေးကွက်အား ပိုင်ဆိုင်ထားခြင်းသည် အတော်လေး အခြအနေကောင်းသည်ဟု ယူဆနိုင်ပါသည်။ သူ၏ မိခင်ဖြစ်သော Steem ထက် ခြေတလှမ်း အသာတွင် ရှိနေသည်ကတော့ သေချာပါသည်။

Henry Aung ( Kachin )

19/04/2022 - Tuesday - 17;50 Pm