Hive Platform နှင့် SPK Network ( Henry Aung )

မင်္ဂလာပါ။ ယနေ့ နှစ်သစ်ကူး သွားပြီဆိုတော့ နှစ်သစ် သာကူးသွားပြီး ဘဝများကတော့ မနှစ်က နှစ်ဟောင်း အတိုင်းသာ ဖြစ်ပါသည်။ နှစ်ဟောင်း ကအကြောင်းများ ပြောပြန်လျင်တော့ ပြောစရာ ကောင်းကွက်မရှိသဖြင့် တော်လောက်ပြီထင်ပါသည်။ ယခု Hive Platform အကြောင်းသာ ဆက်ပြောကြပါအုံးစို့။

Hive Platform ကတော့ မြန်မာပြည် ဘာဖြစ်သည် ရုရှား ယူကရိန်း ဘာဖြစ်သည် ကိစ္စမရှိပါ။ သူကတော့ ပုံမှန် အတိုင်း လည်ပတ် နေဆဲ ဖြစ်ပါသည်။ များမကြာခင် Hive Platform သည် SPK Network ၏ အကူအညီဖြင့် ပုံစံ အသစ် တမျိုးဖြင့် ပြောင်းလည်း သွားတော့မည် ဖြစ်ရာ ဤ အပြောင်းအလည်းသည် Hive Platform အတွက် မည်သို့သော အကျိုးသက်ရောက်မှု ရှိမည် ကိုစောင့်ကြည့်ရတော့မည် ဖြစ်ပါသည်။

အဓိက အကျိုးသက်ရောက်မှုမှာ Hive Engine Token များ ဖြစ်ပါသည်။ လက်ရှိအနေဖြင့် ကျွန်တော်သတိထားကြည့်နေသည်မှာ Hive တန်ဖိုး တက်လာတိုင်း Hive Engine token များ တဖြည်း ဖြည်း တန်ဖိုးကျဆင်းလာခြင်း ဖြစ်ပါသည်။

အကယ်၍ SPK Network အသက်ဝင်လာလျင် SPK မှလည်း Layer 2 token များ ထုတ်ယူနိုင်မည် ဖြစ်ရာ Hive Engine အတွက် ရှေ့ရေး မည်သို့ ရှိနိုင်မည် မသိရသေးပါ။ LVL ကဲ့သို့သော Token များသည်ပင်လျင် မိမိတို့ token တန်ဖိုး ကျမသွားစေရန် Hive Engine wallet ထက် ပြင်ပရှိ Ethereum wallet များ ဖြင့် ချိတ်ဆက်နိုင်ရန် ကြိုးပန်းနေကြပြီ ဖြစ်ပါသည်။

ဤ အခြေအနေနှင့် ပတ်သက်၍ ကျွန်တော့ အမြင်တခုတည်း ဖြင့် ပြောရလျင် HE token များ အားပြင်ပ Wallet များနှင့် ချိတ်ဆက်၍ ဈေးကွက်တင်ရာတွင် Wrap token များ အဖြစ်ဖန်တီးရသည် ဖြစ်၍ အလုပ်ရှုပ်သလို ကရိကထလည်း များပါသည်။

အကောင်းဆုံး ဥပမာပြရလျင် Leo token ဖြစ်ပါသည်။ ပြင်ပ cryptocurrency လောကတွင် Wrapped token များလူကြိုက်နည်း လှပါသည်။ ယခု အသစ်ထွက်လာမည့် SPK မှ layer 2 token အမျိုးအစားသည် ပြင်ပမှ wallet များ Exchange များသို့ တိုက်ရိုက် ပေးပို့ ရောင်း ဝယ်နိုင်လျင် HE token များအား လူကြိုက်နည်းသွားကြမည်ကတော့ သေချာ သလောက် ရှိနေပါသည်။

အမှန် အတိုင်းဆိုရလျင် ကျွန်တော်ကိုယ်တိုင်လည်း လက်ရှိ HE token များအား ဈေးအလွန် ကျမသွားခင် Hive အဖြစ် ပြောင်းထားရမည်လား သို့မဟုတ် ဒီ အတိုင်းထားကာ တအိအိ တန်ဖိုးကျနေသည်ကို ထိုင်ကြည့်မလား မဆုံးဖြတ်ရသေးပါ။ SPK ၏ အခြေအနေကို ကြည့်၍ ဆုံးဖြတ်ရမည် ဖြစ်ပါသည်။

SPK ၏ mining token ဖြစ်သော LARYNX token သည်ပင်လျင် ပေါက်ဈေး 0.013 Hive ပေါက်နေသည် ဖြစ်ရာ လက်ရှိ Hive ပါက်ဈေးဖြင့် LARYNX token တခုလျင် မြန်မာ ငွေ ၂၅ ကျပ်ခန့် ဈေးပေါက်နေပြီ ဖြစ်ပါသည်။ လက်ရှိ အနေဖြင့် ဝယ်ရောင်း အင်အား နည်းနေသေးသော်လည်း ဈေးကွက် ရှိနေသည်မှာ သေချာပါသည်။

အကယ်၍ SPK token အတွက် Mining လုပ်၍ ရပြီ ဆိုလျင် ဤ ဈေးကွက်သည် ပို၍ လှုပ်ရှားလာပါလိမ့်မည်။ ထို့ကြောင့် Hive Platform ၏ အနာဂတ်ကာလ များတွင် မိမိ တွင် ရှိထားသော Hive Power က များစွာ အကျိုးပေးပါလိမ့်မည်။

အဘယ့်ကြောင့် ဆိုသော် Hive Platform မှ ထွက်လာကြမည့် Project အားလုံးသည် Hive Power နှင့် တနည်း မဟုတ် တနည်း ဖြင့် ပတ်သက်နေကြမည် ဖြစ်ရာ မိမိတွင် Hive Power များစုထားလေလေ မိမိ အတွက် အကျိုးရှိလေလေ သာ ဖြစ်ပါလိမ့်မည်။

သေချာသည် တခုကတော့ Hive Platform အကြောင်း နားလည်သွားလျင် Hive Power မည်သို့ စုရမည်ကို သာတွေးနေကြပါလိမ့်မည်။ ကျွန်တော့ မိတ်ဆွေများလည်း Hive - Myanmar တွင် Post မတင်နိုင်လျင်တောင် အခြားသော Community များတွင် Post တင်ရင်း Hive Power စုနေကြလိမ့်မည်ဟု ယုံကြည်ပါသည်။

Henry Aung ( Kachin )

17/04/2022 - Sunday - 18;20 PM