Dlux နှင့် ကျွန်တော်ထင်သမျှ ( Henry Aung )

မင်္ဂလာပါ။ ယမန်နေ့က ဆောင်းပါးဖြစ်သော Dlux exchange အကြောင်း အနည်းငယ် ဆက်ပါအုံးမည်။ ယခု ဖေါ်ပြမည် ဖြစ်သော အကြောင်း အရာတို့မှာ ကျွန်တာ်၏ အတွေးအမြင် ထင်မြင်ယူဆချက်များသာ ဖြစ်၍ ကျွန်တော် ရေးသားထားသလို မုချဖြစ်လာ လိမ့်မည်ဟု မဆိုလိုပါ။

စာရှုသူ မိတ်ဆွေများ အတွေးစ ရှည်စေရန် အတွက်သာ ရေးသား ထားခြင်း ဖြစ်ပါသည်။ ကျွန်တော့ အနေဖြင့် Cryptocurrency လောကသို့ ဝင်လာကာစအစောပိုင်းတွင် Binance Exchange Site ၏ ICO ကာလများ ဖြစ်ပါသည်။ ပြောရမည်ဆိုလျင် BNB အား $1 အဆင့် တွင် မှီလိုက်သူ ဖြစ်ပါသည်။

အစောပိုင်းကာလများတွင် ကျွန်တော် ကြိုးစားစုသော Cryptocurrency မှာ BNB နှင့် EOS ဖြစ်ပါသည်။ သို့သော် အများအပြား စုဆောင်း နိုင်ခြင်း မရှိခဲ့ပါ။ Steemit တဖက်နှင့် စာရေးရင်း အပို ဝင်ငွေ တခု အနေဖြင့်သာ စုခဲ့ခြင်း ဖြစ်ပါသည်။

BNB 200 ကျော်နှင့် EOS 300 ကျော် မျှ စုမိခဲ့သည်ဟု ထင်ပါသည်။EOS မှာ ယခင် Steemit မှ CEO ဟောင်း Dan မှ ဦးစီးထုတ်လုပ်သော Cryptocurrency ဖြစ်ပါသည်။ EOS မှာ Bitfinex Exchange တွင် IEO ခေါ်သည်မှာ တနှစ်ကြာပါသည်။ ထိုအချိန်က ဈေးနှုန်းမှာ ပြား ၅၀ USD ဖြစ်ပါသည်။

ထို အချိန်တုန်းကတော့ Steemit မှ Steemit ဖြစ်နေသဖြင့် Binance နှင့် EOS အား သာမန်သာ ဂရုပြုမိခဲ့ပါသည်။ ကျွန်တော် BNB အား ရောင်းချလိုက်သည်မှာ 7$ နှင့် ဖြစ်သလို EOS မှာ $12 ဖြင့် ရောင်းချနိုင်လိုက်ပါသည်။ သို့ သော် နောက်ပိုင်း BNB stacking လုပ်ခြင်း ၏ ကောင်းကျိုးများအား သိလာသော အခါ BNB မှာ USD $50/ 100 ဖြစ်သွားပြီ ဖြစ်၍ လိုက်မမှီတော့ပါ။

ဆိုလိုသည်မှာ အခွင့်အရေးကို မမြင်တတ်ခဲ့၍ ရေရှည် အကျိုးရှိမည့် အခွင့်အရေးများ လက်လွှတ်သွားခဲ့ရပါသည်။ ယခု နောက်ပိုင်း Layer 2 token ထုတ်လုပ်မှုများတွင် Ethereum ပြီးလျင် Binance က ဒုတိယ လိုက်မည်ဟုထင်ပါသည်။

ထို့ အပြင် Binance က Ethereum Platform နှင့် တိုက်ရိုက် ဆက်သွယ်နိုင်သော Binance Smart Chain အား ဖေါ်ဆောင်လိုက်သော အခါ Cryptocurrency project များ အလွန် လွယ်ကူသွားပြီ ဖြစ်ပါသည်။

ယခု ကျွန်တော် သဘောကျသော Dlux အကြောင်း ဆက်ကြပါအုံးစို့။ Hive platform သည်လည်း Main Blockchain ဖြစ်သည့် အလျောက် Hive Platform အားအမှီပြုကာ Project များ ဖေါ်ဆောင်မည် token များ ထုတ်ကြကာ ဝယ်ရောင်း လုပ်နိုင်ကြရန် ရည်ရွယ်ပါသည်။

ယခင် Steemit တုန်းကတော့ Smart Media Token ဟူ၍ ဖေါ်ဆောင်ခဲ့ကြသော်လည်း ယခုထိ အောင်မြင်လာ ခြင်း မရှိသေးပါ။ Hive Platform အဖြစ် ပြောင်းလည်း လာပြီးနောက် Hive Engine token များနေရာယူလာပါသည်။ သို့သော် Hive Engine token များမှာ ပြင်ပဈေးကွက်သို့ ပို့နိုင်သော Cryptocurrency များ ဖြစ်မလာခဲ့ပါ။

Hive Engine token များသည် အထိုက်အလျောက်တော့ အောင်မြင်ပါသည်။ သို့သော် Hive Platform အားအသုံးပြုနေသူတို့ အသိုင်းအဝိုင်း အတွင်းသာ ဖြစ်ပါသည်။ ပြင်ပကမ္ဘာသို့ ဖေါက်ထွက်နိုင်ခြင်း မရှိခဲ့ပါ။

ယခု Hive Blockchain အနေဖြင့် Web.3 အား အသုံးပြုကာ Ragnarok ကဲ့သို့သော နောက်ထပ် Project များအား ဖေါ်ဆောင်လာနိုင်လျင် / SPK token အား Hive / HBD ကဲ့သို့ ပြင်ပ Exchange များသို့ ပို့၍ ဝယ်ရောင်းနိုင်သည်ဆိုလျင် Web3 Protocols အား အသုံးပြု ထားသော SPK သည် အောင်မြင်သည်ဟု ဆိုနိုင်ပါသည်။

SPK အောင်မြင်သည်ဆိုလျင် Dlux Exchange site သည် SPK network အား အခြေပြုကာ ထုတ်ထားသည့် Coin / token များနှင့် ပြင်ပ Exchange site များအား ဆက်သွယ်ပေးသည့် နေရာ ဖြစ်လာပါလိမ့်မည်။ ထိုသို့ မဟုတ်ပဲ Hive Engine ကဲ့သို့ Hive Platform အသုံးပြုသူများ အတွက်သာ ဆိုလျင်တော့ ထူးမခြားနားသာ ဖြစ်ပါလိမ့်မည်။

ယခု Hive Project များအား ဦဆောင် နေသူတို့ ထိုအချက်အား ကောင်းကောင်း သဘောပေါက်ကြပါသည်။ အကယ်၍ ကျွန်တော် အထက်တွင် ဖေါ်ပြခဲ့သည့် အတိုင်း SPK Network အောင်မြင်လာခြင်း နှင့် အတူ Dlux Exchange site သည်လည်း ပြင်ပကမ္ဘာနှင့် ချိတ်ဆက်ရာ Exchange တခု ဖြစ်လာပြီ ဆိုလျင် Hive Engine ၏ အခန်းကဏ္ဍ သည် ပြီးဆုံးသွားပြီ ဖြစ်ပါသည်။

အကယ်၍ Dlux Exchange site သည် Hive Engine token များအား Support ပေးသည်ဆိုလျင် ယခုကတည်းကပင် Dlux Exchange တွင် Hive Engine wallet များ Built in ပါဝင်လာရမည် ဖြစ်ပါသည်။ ယခု Dlux တွင် Hive Wallet တခုသာ Built in ပါလာပါသည်။

ယခု SPK Network project တခုလုံးမှာ အစောပိုင်းကာလ သာ ရှိသေးသည့် အပြင် Dlux အနေဖြင့်လည်း ရည်ရွယ်ချက် ရည်မှန်း ချက် မသိရသေးပါ။ အကယ်၍ SPK အောင်မြင်လာခြင်းနှင့် အတူ Dlux လည် လိုက်ပါ အောင်မြင်လာပါက Hive နှစ်ခြမ်းကွဲမည့် အရေး မြင်နေရပါသည်။

Hive Engine အား အကောင်ထည် ဖေါ်နေသော ( အဂူရို ) နှင့် Leofinance အား အကောင်အထည်ဖေါ်နေသော ( ခါလီခါဇီ ) တို့ကတဖွဲ့ ၊ SPK နှင့် Ragnarok အား ကောင်ထည် ဖေါ်နေသော ( ဒေခေါမီဒန် ) တို့ကတဖွဲ့ နှစ်ဖွဲ့ ကွဲကြမည့် အရေး ဖြစ်ပါသည်။

သို့သော် လက်ရှိ Hive Platform ၏ project များ အရာရာ Voting စနစ်ဖြင့် သွားကြသည်ဆိုတော့ အရာရာ ကောင်းဖို့ အတွက် ဖြစ်လာလိမ့်မည်ဟု ထင်ပါသည်။ Hive Engine ရှိ Project များကလည်း အရင်းအနှီးတခု စိုက်ထုတ်ကာ ပြုလုပ်ထားကြသည်ဆိုတော့ အကယ်၍ SPK နှင့် Dlux က Hive Engine token များအား လက်တွဲ မခေါ်လျင် အရင်းအနှီးအတော်များများ အဟောသိကံ ဖြစ်ကြရတော့မည် ဖြစ်ပါသည်။

ကျွန်တော့ အထင် အဖြစ်နိုင်ဆုံးကတော့ Hive Engine wallet အား Snapshot ရယူကာ Dlux တွင် token အသစ်များ အဖြစ် ပြန်လည် ဖန်းတီးခြင်းသာ ဖြစ်ပါလိမ့်မည်။

Henry Aung ( Kachin )

22/04/2022 - Friday - 17;18 Pm